Украинэм ышъхьэрэ Радэм халъхьагъ, Донецк ыкIи Луганскэ шъолъырхэр агъэушъхьафыным иупчIэ Iуахыжьынэу-ащ фэдэу къыщеты украинэ парламент сайтым. УпчIэм зыщхэплъэщт уахътэр гъэнэфагъэу щытэп.
Украинэм и президент Петр Порошенко къызэриIуагъэмкIэ, шэкIогъум и 2-м рагъэкIокIыгъэ хэхыныгъэхэм щынагъом пэкIигъэуцуагъ къэралыгъом и къокIыпIэ щыIэ бырсырыр мамырныгъэкIэ зэшIуахыныр. КъокIыпIэ Украинэм хэхыныгъэ щекIокIыгъэм, Донецк ыкIи Луганск «лъэпкъ республик» зыцIэм джырэ иунэшъошI Александр Захарченко ыкIи Игорь Плотницкий текIоныгъэ къахьыгъ.
Шъхьафитэу зыкъэзылъытэжьрэ республикэхэм ащыIэ хэхэкIо комитетхэм къызэраIуагъэмкIэ, Захарченко % 80-фэдиз къыхьыгъ, Плотницкий – % 60-м ехъу къыхьыгъ. КъохьапIэ къэралыгъохэм лъэпсэнчъэу къалъытагъ къокIыпIэ Украинэм тхьаумэфэ мафэм хэхыныгъэ щекIокIыгъэхэр ыкIи ар «минскэ зэзэгъныгъэм» димыштэу.
Америкэ Штат зэготхэми ащ фэдэу къаIуагъ хэхыныгъэхэр хэбзэнычъэу. Урысыем къызэриIуагъэмкIэ, Донецк ыкIи Луганск хэхыныгъэхэр ащекIокIыгъэу Мэзкуум къылъытагъ. Урысыем фэгъэзагъэу санкциякIэхэр къаIэтыщт «минск зэзэгъныгъэр» Мэзкуум ымгъэцакIэ хъумэ, къокIыпIэ Украинэм ищытыкIэ зыпкъ игъэуцожьынымкIэ- ащ фэдэу къыIуагъ Америкэ Шта Зэготхэм щынэгъончъагъэ хасэр къэзгъэлъагъорэ Бернадетт Михэн.
Фитыныгъэ радио