ШэкIогъум и 16-м Тыркуем ит къалэу Стамбыл дэт хьаблэу Полнизкоу (Адампол) зыфиIорэм Адыгэ активистхэр къыщызэрэугъоигъэх. Ащ Адыгэ лъэпкъ гъэкIодым икъэщтэн фэгъэхьыгъэ пресс рилиз къыщатыгъ.
Пресс рилизым мыщ фэдэу къыщаIо,- Адыгэхэм я гукъао къырамыдзэу Шъачэ олимпиадэ къыщырагъэкIокIыгъ, Сирие заом къыхэкIыжьыгъэ Адыгэхэр хэкум къырагъэхьагъэхэп, Урысием лъэпкъ гъэкIодым фэгъэхьыгъэ джэпсалъэу фагъэхьыгъэхэм джэуап къыратыжьыгъэп, мы пстэуми Урысием ипрезидент Путин Владимир зи къариIолIагъэп ау ащ Адыгэ Iофыр къыщыуцугъэп, 2011 илъэсым Курдж хэгъэгум Адыгэ лъэпкъ гъэкIодыр ыщтагъ, 2014 илъэсым Украинэ хэгъэум лъэпкъ гъэкIодыр ыщтэнэу зыфэдгъэзагъ ыкIи шэкIогъум и 11-м Полщэм зыфэдгъэзагъ. Ащ нэмыкIэу пресс рилизым къыхагъэщы Адыгэхэмрэ Полщэхэмрэ зэныбджэгъуныгъэ зэрэзэдряIагъэр ыкIи лъэпкъитIур шъхьэфитыныгъэм зэрэфэбэнагъэхэр.Адыгэхэм яныбджэгъоу щытыгъэ Чарториски Адам ыцIэ зихьырэ хьаблэу Адампол чIыпIэм дунаем шIуфэскIэ зыфэтэжъугъаз къыщаIо джэпсалъэм икIэухы.
Полнизкоу (Адампол) ицIэ зытрахыгъэр Полщэм щыщ депломатэу Чарториски Адам (1770 - 1861). Ар Урыс Адыгэ заом илъэхъанэ Адыгэхэм къадэIэпыIэгъагъ.
Митингым хэлэжьагъэх Иорданием щыщ Адыгэ активистхэри, ахэм ащыщэу митингым къыщыгущыIагъ Адыгэ лъэпкъ гъэкIодым икъэщтэн чанэу дэлажьэу Щапсыгъэ (Бэщкъауи) Адел.
