Чылагъо хъагъэу (соц-сет) Фаскбоок нэкIубгъом къызэрэщатхыыгъэмкIэ щэкIогъум и 21-м, 2014, Тыркуем щыIэ Адыгэ купэу "Адыгэмэ яфитыныгъэ егъэжьэн" зыфиIорэм Истамбыл дэт Урыс консол унэм ипашъхьэ митинг щыригъэкIокIыгъ. Мыщ фэдэ митингхэр 2014-рэ илъэсым мазэ къэс, мазэм и 21-рэ мафэм къырагъэкIокIы. Мы митингыр Урыс-Адыгэ заор (1763-1864) заухыгъэр 2014 илъэсым илъэс 150-рэ зэрэхъугъэм пае къырагъэкIокIырэ зэфэшъхьэф зэхахьэхэм зэу ащыщ.
Митингым Адыгэ лъэпкъ гъэкIодым фэгъэхьыгъэ гущыIэхэр къыщаIуагъ ыкIи Адыгэ лъэпкъ гъэкIодыр дунаем тет хэгъэгу пстэуми Урысиери апэ итэу ащтэнэу пшъэрылъ ателъ къаIуагъ. Мыщ къыщыгущыIагъэх Хьабрацу (Оздин) Мурат, Абазэ (Караел) Ирол ыкIи нэмыкIхэр.
