Мы ихэкIэ чIэт къэбарэр Адыгэ макъэм ит. Шъыпкъэр пIощтмэ Адыгеим рафтингымкIэ щыкIощт зэнэкъокъур хэт зиер е хэт ицIэкIэ кIощт зэхэлъэшъуагъэу щыт. Мары шъуеплъ:
Мыекъопэ районым щэкIо
Урысыем и Къыблэ рафтингымкIэ изэнэкъокъу командэ 23-рэ щызэIукIагъ. Мэлылъфэгъум и 29 - 30-м Адыгеим изэIухыгъэ зэнэкъокъу спортсменхэр хэлэжьэщтых. Урысыем изэнэкъокъу жъоныгъокIэ мазэм и I-м пчыхьэм сыхьатыр 5-м къызэIуахыщт. Концертым республикэм иартистхэр хэлэжьэщтых.
Мы тхыгъэ цIыкIур анализ пшIымэ къэолъэгъу Урысием политикэу къырифэкIырэр. Адыгэм ицIэ агъэкIодыным пае Урысием и Къыблэ зэнэкъокъу ыкIи Урысием и зэнэкъокъу аIуи Адыгэм къыбгъодагъэуцуагъ, илъэс заулэкIэ Адыгэр Iуахыжьынэу ары агухэлъыр. ГурыIогъуай Урыс политикхэм мыщ фэдизэу Адыгэр зыфауджэгъурэр. Мыхэм сыд фэдиз ашIыгъэми Адыгэр Адыгэу къэнэщт Адыгэ чIыгури Адыгэу къэнэщт, ар Урысым къыгурыIорэп.
БлэкIыгъэ тхьэмафэм джащ фэдэу къушъхьэфачъэ зэныкъокъу Адыгэ республикэм щыкIуагъэхэм зыгорэхэр хэхъухьагъэх.
Адыгеим къушъхьэфачъэ зэнэкъокъу иIэу тшIэщтыгъэр "Гран При Адыгея" зыфиIорэр ары. Мыгъэ джыри зы къушъхьэфачъэ зэнэкъокъу Адыгеим щыIагъ, ар "Мыекъуапэ Уляп Мыекъуапэ" зыфиIорэр ары.
ГъэшIэгъоныр Адыгеим и хьыкумэт СМИ-хэр "Гран При Адыгея" къытегущыIагъэхэп ау игъэкIотыгъэу "Мыекъуапэ Уляп Мыекъуапэ" къытегущыIагъэх.
Мыщ фэдэу зыфэхъурэр ыпшъэкIэ къэттхыгъэм фэд, "Гран При Адыгея" тэкIу Адыгэм ицIэ ыгъэIоу ыублагъэти Урысием ар игу рихьагъэп ыкIи мы зэнэкъокъум зыгорэхэр хашIыхьагъэх. "Гран При Адыгея" Адыгэхэм яIоф хэмылъэу ашIыгъэнкIи мэхъу.