Мардж-Султан топ-бомбэу къыдадзагъэхэм зы цIыф (адыгэ) ыукIыгъ

Непэ, чъэпыогъум и 20-м, Сирием ит Адыгэ къуаджэу Мардж-Султан, топ-бомбэу къызэрэдэуагъэхэм, зы цIыф (адыгэ) ыукIыгъ. Джащ фэдэу фасебоокум къыратхагъ, Марджым щыщ Адыгэ кIалэхэм. Ахэм къызэратхыгъэмкIэ укIыгъэм ицIэр Шъхьэнкэрый Акрам, 1938 илъэсым Израил ит Адыгэ къуаджэу Кфар-Кама къыщыхъугъ.
1948 илъэсым Израил къэралыр загъэуцум Шъхьэнкэрый Акрам Сирием щыIагъэти икъуаджэ кIожьын ымылъэкIэу Марджым къыдэнэгъагъ ыкIи ащ унагъи щишIыгъ, щыпсэугъ.

ЯплIэнэрэ мафэ хъугъэу Мардж-Султан Сирие хьыкумэт дзэхэр зэтемыуцохэу топхэмкIэ ыкIи къохьлъатэхэмкIэ даох. Къуаджэм арап беженцэу къыдэтIысхьэгъагъэхэр, пстэури дэкIыжьыгъэх. Къуаджэм Адыгэ нэбгри 100 фэдиз къыдэнагъэхэу дэсых. Къуаджэм иIэнэгъунэ Сирие хьыкумэт дзэмрэ ащ пэуцожьырэ зэуакIохэмрэ щызэзаох.

tuapsepress.com