Къэбэрдей-Балъкъэрым и Iэтащхьэ КIуэкIуэ Юрий дыгъуасэ Iэ зыщIидза указым ипкъ иткIэ Къэбэрдей-Балъкъэр Республикэм курортхэмрэ туризмэмкIэ и министру ягъэуващ нэхъапэм КъБР-м щэнхабзэмкIэ и министрым и къуэдзэу лэжьа Хьэсанэ Ислъам. Иужь зэманым «ДыгъафIэ къалэ» творчествэмкIэ сабий академием и унафэщIым и къалэнхэр игъэзэщIащ.
Хьэсанэ Ислъам Марат и къуэр 1973 гъэм Налшык къалэ къыщалъхуащ. Урысей Федерацэм и Президентым и деж щыIэ УправленэмкIэ Мэзкуу къэрал университетыр къиухащ.
Илъэс пщыкIутхум щIигъуауэ республикэм и гъэзэщIакIуэ властым хэтщ. 2002 гъэм щыщIэдзауэ 2009 гъэ пщIондэ КъБР-м курортхэмрэ туризмэмкIэ и министерствэм туриндустрием и IуэхущIафэхэр зэщIэгъэуIуэнымрэ зегъэужьынымкIэ и къудамэм и унафэщIу щытащ. Щхьэгъусэ, бынищ иIэщ.
КъБР-м и Iэтащхьэмрэ Правительствэмрэ я пресс-IуэхущIапIэ.
adyghepsaleru
Хьэсан Ислъам