Лъэпкъ гъэпсылъэу «ЗекIонымрэ хьакIэпэгъокIынымрэ» зыфиIорэм къыхиубытэу Адыгэ Республикэм рубль миллиарди 6,2-рэ къыфэкIощт зыгъэпсэфыпIэу «Лэгъонакъэ» игъэпсын пэIуагъэхьанэу. Мыщ фэгъэхьыгъэ унашъом кIэтхагъ Урысые Федерацием и Правительствэ ипащэу Михаил Мишустиныр.
Мылъкур чэзыу-чэзыоу къатIупщыщт. Мы илъэсымкIэ лъэпкъ ъэпсылъэм къыдыхэлъытэгъэ фэIо-фашIэхэм атегъэпсыхьагъэу республикэм къыфэкIощтыр рублэ миллион 205-рэ фэдиз, 2023-рэ илъэсым рублэ миллиарди 5-м кIахьэ, 2024-рэ телъытэгъэщтыр рублэ миллиардым ехъу.
«УФ-м и Правительствэ тыфэраз республикэмкIэ мэхьанэшхо зиIэ Iофыгъом изэшIохын тегъэпсыхьагъэу IэпыIэгъу къызэрэтфэхъурэмкIэ. ЗекIоным лъэныкъор гъэпсыгъэным пае республикэм пшъэрылъэу иIэхэр зэшIохыгъэнхэр, Адыгеим икъушъхьэлъэ чIыпIэхэм ащыпсэухэрэм ящыIакIэ нахьышIу шIыгъэныр федеральнэ мылъкум ишIуагъэкIэ къыддэхъущтых», — къыIуагъ Адыгэ Республикэм илIышъхьэу КъумпIыл Мурат.