Урысые Федерацием самбэмкIэ изэнэкъокъу къалэу Армавирэ мэкъуогъум и 8 щегъэжьагъэу и 11-м нэс щыкIуагъ. Ащ илъэс 12 — 14 зыныбжь кIалэхэр, пшъашъэхэр зэIукIэгъухэм ахэлэжьагъэх,- джащ фэдэу зэфэшъхьаф хъытэу нэкIубгъохэм къыщатхы.
Пэнэжьыкъуае икIэлэеджакIоу Хьабэхъу Салбый, кг 59-рэ, апэрэ чIыпIэр къыдихи, дышъэ медалыр къыфагъэшъошагъ. Адыгэ Республикэм игъшIуагъэ гъэсак1оу Хьабэхъу Адам Салбый егъасэ, ар Салбый ят.
Дунаим изэнэкъокъухэм гъогогъу 11 дышъэр къащыдэзыхыгъэу, Урысыем и Къэралыгъо Думэ идепутатэу Хьасанэкъо Мурат Армавирэ спорт зэIукIэгъухэр зэрэщыкIохэрэм яплъыгъ ыкIи хагъэунэфыкIырэ чIыпIэхэр къыдэзыхыгъэхэм афэгушIуагъ, шIухьафтынхэр аритыжьыгъэх.
Адыгэ Республикэм самбэмкIэ испорт еджапIэ ипащэу Делэкъо Адам зэхащэгъэ зэнэкъокъум хэлэжьагъэ кIалэхэм, пшъашъэхэм алъыплъагъ.