Iоныгъом и 28-м адыгэ шъуашэм и Мафэ хэбзэ шапхъэхэм адиштэу Адыгэ Республикэм щагъэмэфэкIыщт. Къэралыгъо филармонием сыхьатыр 18-м зэхахьэр щаублэщт.
СурэтышI-модельер цIэрыIоу СтIашъу Юрэ, адыгэ шъуашэхэр зыдыхэрэм ятворчествэ зэхахьэм къыщагъэлъэгъощт, Адыгеим иартистхэм орэдхэр къаIощтых, къэшъощтых. Концертым ирежиссерэу Ацумыжъ Рустам къызэрэтиIуагъэу, мэфэкIыр гъэшIэгъон хъущт, лъэпкъ IэшIагъэхэр къыщагъэлъэгъощтых.
«Налмэсыр» мэуджы
Адыгэ Республикэм и Къэралыгъо академическэ къэшъокIо ансамблэу «Налмэсыр» Китаим щыI, концертхэр къыщетых. Художественнэ пащэу Хъоджэе Аслъан къызэриIуагъэу, тилъэпкъ искусствэ, адыгэ шъуашэм идэхагъэ «Налмэсым» Китаим къыщегъэлъагъох.
adygvoice.ru