Тыркуе: Республикэ лъэпкъ партием итхьэматэ Анкъара Адыгэ хасэм къэкIуагъ

ЖъабгъумкIэ: ятIуанэрэр Киричдароглу Кимал, яплIанэрэр Хьагъундыкъо Ящар-Асланкая

ШэкIогъум и 9-м, Тыркуем щыIэ Республикэ лъэпкъ парти зыфаIорэм итхьэматэ Киричдароглу Кимал Анкъара дэт Адыгэ хасэм къэкIуагъ. Киричдароглу ригъусагъэх партием АнкъарэкIэ къотэмэу щыIэм итхьэматэ ыкIи партием IэнатIэ шъхьаIхэр щызыхьыхэрэр. Джащ фэдэу къыщатхыгъ Кавказ Зэгохьэныгъэм исайты

ХьакIэм пэгъокIыгъ ыкIи къыригъэблэгъагъ Кавказ Зэгохьэныгъэм итхьэматэу Хьагъундыкъо Ящар-Асланкая. Республикэ лъэпкъ партием ипащэхэм Анкъарэ Адыг хасэм иунэ ыкIи ащ къыпэIулъ чIыгухэр къаплъэхьыгъэх ытIанэ партием ипащэхэмрэ хасэм хэтхэмрэ зэдэгущыIагъэх. 

Непэ, Республикэ лъэпкъ партиер ТыркуемкIэ иинагъэкIэ ятIонэрэ чIыпIэр еубыты, блэкIыгъэ тхьэмафэхэм Тыркуем хэдзынхэр щыкIуагъэх. Ащ мы партием 24% макъэ къыхьыгъ. Партиеу анахьыбэ къэзыхьыгъэр Тыркуем ипрезидент Ардуган Раджаб зыхэт пратиер ары. Ащ 41% макъэ къыхьыгъ. 

Интернет агенствэу Аджанс-Кавказ зыфиIорэм къызэритырэмкIэ хэдзынхэмкIэ Тыркуем щыпсэурэ Адыгэхэм я 60% нахьыбэм ямакъэхэр Ардуган ипарти ратыгъ. Мыдрэ Республикэ лъэпкъ партием 20% ратыгъ.