Хъурцэм иунэшъошIхэм янахьыбэм урысые политикэу Немцов Борис иукIыныгъэкIэ къыхагъэщыгъ, ар епхыгъэу джырэ урысые унэшъошIым. Хъурцэ IэнэтIэIыгъхэм яеплъыкIэхэм ащыщыхгущыIэм пае, укIыныгъэр къэгъэлъэгхоныгъэу Хъурцэр нахь зэкъотэу зэрекIолIэн фаер Урысыем ифыщытыкIэхэмкIэ, етIанэ Немцовым иукIыныгъэ чIэнэгъэшхоу зэрэщытыр.
Фитыныгъэ Радиом игущыIэгъугъэ хъурцэ политологэу Лебонидзе Соломон:
- КъэпIон плъэкIыщт Немцовым иукIыныгъэ иполитикэ IофшIэн зэрепхыгъэр, ар Урысыем иджырэ унэшъошI ипащэ зэрэпыщытыгъэм. Немцовым ыгъэмысэщтыгъэ Урысыер Украинэм къыщыхъухэрэм дзэкIэ зэрэхэлажьэхэр. Ау сэ сызэреплърэмкIэ, Путиныр мы укIыныгъэм зэуи хэщагъэп, сыда пIомэ ар ежьымкIэ федэп. Ау цIыфхэм нэмыкIэу алъытэщт, Iо хэмылъэу. Хъурцэм зэрэщалъытэрэмкIэ, укIыныгъэр епхыгъэу ары урысые унэшъошIым. Хъурцэм исыбэхэми аущтэу алъытэ . Немцовым иукIыныгъэ бырсырхэр къыгъэущын ылъэкIыщт.Оппозицри нахь бэнэнымкIэ зэкъуигъэуцощтых.
Фитыныгъэ Радиом игущыIэгъугъэ Хъурцэм щыщэу Лика жеIэ:
- Апэ зэрэзэхэсшIагъэр – ар зышIагъэр Путиным ицIыфхэр арэу ары. Ау сшIэрэп шъыпкъэу къызэрэхъугъэр. Ар оппозицым щыIэ цIыф чаныгъэти, изэрар къафакIощтыгъэн фай. ЦIыфмэ къалъэгъуным пай унэшъошIым, Урысыем упэуцу зэрэмыхъущтыр.
---
Урысые унэшъошIым иоппозиц шъхьащыт политикэу Немцов Борис щхкIэ аукIыгъ мэзаем и 28 чэщым.,Мэзкуу игупчэ дэдэ, Москворецк Лъэмыджышхом дэжь , Кремлым пэмычыжьэу. ДжырэкIэ укIыныгъэм тегъэпсыхьагъэу зэхащэгэ купым Iофым изэхэфын ыуж ит. УкIыныгъэмкIэ ушъхьагъоу хъун ылъэкIыщтыгъэ заулэхэм ателэжьыхьэх.
Фитыныгъэ Радио, Щэрджэс Ларис