Чъэпыогъум и 11-м Иорданием ит Адыгэ хасэ гупчъэм итхтэматэ Къардэн Самир Дунае Адыгэ хасэм итхьэматэ Сэхъурыкъо Хьаути арапбзэкIэ тхыгъэу тхьапэ фигъэхьыгъ. Ар интернетым къырагъэуцуагъ. Ащ Къардэным мыщ фэдэу къыщетхы:
Тхьапэу къытфэжьугъэхьыгъэ нэкIубгъуищэу хъурэм, ащэнэрэ нэкIубгъум итым тинаIэ теддзагъ. Ар Урысиер Сирием дзэ IофкIэ дэIэпыIэным фэгъэхьыгъ. МыщкIэ къэтыIонэу тызыфаер, Iоныгъум и 19-м Налщыч щыкIуагъэ Дунае Адыгэ хасэм изэфэсым ыкIи ащ къыкIэлъыкIоу Къэбэртае-Балкъэр республикэм ипрезидент зэIукIэу дитиIагъэм тызтегущыIагъэр, Сирием къикIыжьыгъэ Адыгэхэм IэпыIэгъу агъэгъотыгъэныр ары ыкIи ахэр Кавказым IэшIэхэу ыхьэнхэр, щыпсэунхэр ары. Мыр ары чъэпыогъум и 1-м тхьапэу къыщъуфэдгъэхьыгъэм итхагъэр (Хэкум къэзыгъэзэжьыгъэхэм IэпыIэгъу афэхъунхэм нэмыкI зи итхагъэп). Дзэ IэпыIэгъу зыфэпIощтым тизэIукIэгъу пстэуми игугъу тшIыгъэп ыкIи тытегущыIагъэп.
ТишIошIыкIэ, а джэпсалъэр (Урысиер Сирием дзэ IофкIэ дэIэпыIэныр) хаукъоныгъэкIэ тхьапэм хатхагъ. Ар щыгъэзиегъэн фае.
АдкIэ, дунае хасэм икомитетхэм тызэрахэлэжьэщт шIыкIэм ыкIи дунае хасэ иустав зэхъокIынгъэхэр фэшIыгъэным афэгъэхьыгъэу тиеплъыкIэхэм тапэкIэ шъуащыдгъэгъозэщт.
