Израил ит Адыгэ къуаджэу Кфар-Кама имуниципалнэ хасэм интернетымкIэ къызэритырэмкIэ щышъхьэIу мазэм къуаджэм щыщ я-11 класым чIэс кIэлэ-еджакIохэр хэкум къагъэкIощтых. Мы Iофым пшъэрылъэу иIэр Адыгэ кIалэхэр хэкум нэIуасэу фэхъунхэр ары ыкIи хэхэсымрэ хэкумрэ язэпхыныгъэхэр гъэпытэгъэныр ары.
Купэу хэкум къэкIощтхэм ягъэхьэзырын дэлажьэ Кфар-Кама хасэмкIэ зекIоным илэжьакIоу Нэпсэу Нурэ. Ащ бэдзэогъу мазэм игузэгу нэс кIалэу хэкум къэкIонхэу зышIоигъохэм яцIэхэр ратын фае.