Хъурцэм исхэм янахьыбэм урысые телеканалхэмкIэ политикым фэгъэхьыгъэ къэтынхэм яплъыныр къыхахы. Фэдэ кIэух-зэфэхьысыжьыр къыхьыгъ Америк Штат Зэкъотхэм я Лъэпкъ демократ институт, кIэупчIэныгъэу бэмышIэу Хъурцэм щыригъэкIокIыгъэм къыпкъырыкIрэ. КIэуххэр мы мафэхэм къагъэлъэгъуагъэх.
КIэупчIэныгъэм икIэуххэмкIэ, Хъурцэм исхэу зэупчIыгъэхэм я %38 къаIуагъэу ары ахэм якIасэуурысые Апэрэ телеканалыр. Мыщ къыкIэлъыкIорэ чIыпIэхэри аубытыгъэх урысые ителеканал зэфэшъхьафхэм. Я 5 чIыпIэм тетыр америк телеканалэу CNN зыфиIорэр ары. Ащ къыкIэлъэкIо Euronews –ыр.
Фитыныгъэ Радиом игущыIэгъугъхэ Хъурцэм щыпсэухэр:
Сопо: Хъурцэ телеканал закъохэр арэп сикIасэхэр. Сыплъы урысые, инджылыз каналхэми. Псэушъхьэхэм, медициным фэгъэхьыгъэ гъэшIэгъон къэтынхэм сяплъы. Мыхэр лъэшэу сикIасэх.
Тея: Украинэ телеканалхэм сяплъы. Дэгъухэр къагъэлъагъо. Урысые телеканалхэри сикIасэх, ау къэбархэр къэзымыIуатэхэрэр ары, сыда пIомэ пропогандэу къаIорэм седэIушъурэп. Акъылыр хэзгъахъохэрэр, зызщыбгъэпсэфрэ, медициным ехьылIагъэ къэтынхэр, фильмхэр сикIасэх. Зэнэкъокъу гъэшIэгъонхэм сяплъы.
Эка: Урысыи, фэшъхьаф IэкIыб къэралыгъохэм ятелеканалхэри сикIасэх. Сирием, Украинэм къыщыхъухэрэм сареплъы зэпыт. Медицинэм фэгъэхьыгъэу ушъыйхэр къэзытхэрэ къэтынхэр сикIас. Хъурцэ телеканалхэри сикIас. Къэбархэм, мэкъэмэ къэтынхэм сяплъы. Хъурцэм и дин лэжьэкIо шъхьаI ителеканали лъэшэу сикIас.
Хъурцэм кIэупчIэныгъэу Америк Штат Зэкъотхэм я Лъэпкъ демократ институт кригъэкIокIхэрэм мылкукIэ IэпыIэгъу афэхъу Швед купэу дунэе лъыкIотэныгъэ ыкIи зэдэлэжьэныгъэ зыцIэр.
Фитыныгъэ Радио, Щэрджэс Ларис, Тбылыс