2015-рэ илъэсым, Къэбэртае-Бэлкъар республикэм официалнэу къыщызэIуахыгъ, хэкум къэзыгъэзэжьыгъэхэм адэIэпырэ организацие. Ащ кIэкIэу ицIэр "Жьэгу". Чъэпыогъум и 1-м Налщыч Iофис къыщызэIуахыгъ. Джащ фэдэу къыщатхы организацием фасебоокумкIэ нэкIубгъоу щриIэм.
Iофисым гъэцэкIэжьынхэр фашIыгъэх. Ащ иадрес, урамэу Тарчокова 2, къалэу Налщыч. Ар гъубдж мафэм щегъэжьагъэу Бэрэскэшхо мафэм нэс Iухыгъэщт, сыхьатэ 10-м щегъэжьагъэу 16.30 нэс.
Iофисм чIэсыщт организацием хэтхэм ащыщ. Ар къэзыгъэзэжьыгъэхэм тхьапэ гъэхьэзырын IофхэмкIэ адэIэпыIэщт, къэзыгъэзэжьыгъэхэм аригъусэу зэфэшъхьэф хьыкумэт къулыкъухэм адыIухьэщт ыкIи нэмыкI IофхэмкIэ адэIэпыIэщт.