Коронавирус: ХэкумкIэ хьыкумэтхэм цIыфхэр зэхэмыхьэныхэу Iоф дашIэн фае


Коронавирусыр Китаир ары тадэжь щыIэп аIоу щысыгъэх

Коронавирус узыр Китаим къыщежьагъ мэзищ ипэ. Ащ къыкIи дунаем тет хэгъэгу пстэуми анэсыгъ.  Мазэ ипэ узыр Китаир, Кореир ыкIи Ираныр арых нахь лъэщэу зыщыIагъэр, адрэ хэгъэгухэм узыр зыпыхьагъэр макIэдэдагъ ыкIи ахэм къыдалъытагъэп узым псынкIэу зэрэзыушъомбгъущтыр ыкIи ар къагъэуцунэу икъоу Iоф дашIагъэп.

Непэрэ мафэм, Китаимрэ Кореимрэ узыр нахь макIэ хъугъэ сыда пIомэ ахэм цIыфхэр зэхэмыхьэнхэу ашIыгъ, ау, Иран, Европэ ыкIи Америкэм узым псынкIэу зыушъомбгъоу ыублагъ, цIыф мин пчъагъи ыгъэлIагъ.

Узым пэуцожьынэу джыри уц щыIэп ащ упэуцожьынэу анахь гъогу дэгъоу иIэр цIыфхэр зэхэмыхьэнхэр ары. Мы къакIорэ мазэ заулэм джащ фэдэу цIыфхэр зэхэмыхьэхэу зырагъэсэн фае а узым уц къыфагъотыфэ нэс. Мы Iофыр агъэцэкIэнэу хьыкумэтхэм ателъ.

Адыгэ хэкумкIэ узыр пылъэу зы цIыф къыхагъэщыгъэу къаIорэр. Ар Краснодар смэджэщым чIэлъ.

Адыгэхэм я республикэхэу Адыгэ Республикэм, Къэрэщай-Черкесым ыкIи Къэбэртае-Бэлъкъарым я хьыкумэтхэм цIыфхэр зэхэмыхьэныхэу джыри нахь унашъо пытэхэр къыдагъэкIынэу ателъ, амырмэ Италием щыхъурэм фэдэ хэкум къыщыхъуныр ит.

adygeway.blogspot.com