Европэм изэкъотныгъэмрэ Америкэ штат зэготхэмрэ зэгъусэу Урысыем фэгъэзагъэу гъубджым къаIэтыгъэ санкциякIэхэр, урысыем ицIыфхэм ар занкIэу къанэсынымкIэ щынагъоу джырэкIэ алъэгъурэп,ау экспертхэм зэраIорэмкIэ шIэхэу ар зыхашIэнэу хъущт къэралыгъом щыпсэурэ пстэуми .
Америкэ штат зэготхэмкIэ президент Барак Обама икъэIоныгъэмкIэ экономикэ санкциякIэхэу Урысыем фэгъэзагъэу Америкэ штат зэготхэмрэ Европэ зэкъотныгъэмрэ зэгъусэу къаIэтыгъэхэм нахьри нахь рагъэкIотэхыщт Урысые экономикэр. Санкциехэр фэгъэзагъ энергетикэм, зыухъумэжьыным ыкIи урысые экономикэ финанс Iахьым.
Санкцием итхыгъэ итхэр бэдзэогъум и 3I-м къаIощ
Украинэм игумэкIыгъо епхыгъэу Урысыер фэгъэзагъэу къохьапIэм къыIэтыгъэ санкцхэмкIэ гупшысэныгъэ ышIыщт,Урысыем IэкIыб IофэмкIэ министерствэм ипащэ Сергей Лавров къызэриIуагъэмкIэ.
" Зэфэхьысыныгъэхэр тшIыщт,ау джэуап тшIыщтэп гукъаом – гукъао фэтшIэу "- ащ фэдэу Лавров журналистхэм къариIуагъ, Душанбе Таджикистаным и президент зэдэгущIэгъу дишIыгъэ уж .
Экономикэм фэгъэзагъэ санкцием зэрхагъэхъуагъэм фэшъхьафэуи, санкцием итхыгъэ итхэми ахэгъэхъуагъ ыкIи ар бэдзэогъум и 3I-м къаIощ. Европэм изэкъотныгъэм икъэIоныгъэкIэ Урысыем иунэшъошIхэм къагурыIон фае, украинэм игумэкIыгъор Урысыем лъапIэу къызэрфекIущтыр.
Фитыныгъэ радио