Адыгэ Республикэм и парламентым ия 42-рэ зэхэсыгъо зыхэплъэщт Iофы­гъо­хэр


Адыгэ Республикэм и Къэ­ралыгъо Совет - Хасэм ия 42-рэ зэхэсыгъо 2014-рэ илъэсым тыгъэгъазэм и 10-м щыIэщт.

Зэхэсыгъом зыщахэплъэщт Iофы­гъо­хэм мы къыкIэлъыкIохэрэр ахагъэхьа­гъэх: 

законопроектхэу «2015-рэ илъэ­сымкIэ ыкIи 2016-рэ, 2017-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», 

«2015-рэ илъэсымкIэ ыкIи 2016-рэ, 2017-рэ илъэсхэм ячэзыу пIалъэкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ» зыфиIохэрэм, 

Адыгэ Республикэм изаконхэу «2025-рэ илъэ­сым нэс Адыгэ Республикэм социальнэ-экономикэ хэхъоныгъэмкIэ стратегиеу ыгъэфедэщтым ехьылIагъ», 

«ЧIыпIэ зыгъэIорышIэжьынымкIэ къулыкъухэм зыныбжь имыкъугъэхэм анаIэ атегъэтыгъэнымкIэ Адыгэ Республикэм икъэралыгъо полномочие ­заулэхэр афэгъэзэгъэнхэм ехьылIагъ» зыфи­Iохэрэм зэхъокIыныгъэхэр афэшIыгъэн­хэм фэгъэхьыгъэм» ятIонэрэу ахэплъэ­гъэныр; 

законопроектхэу «Къоджэ псэу­пIэхэм чIыпIэ мэхьанэ зиIэ Iофыгъохэр зэшIуахынхэмкIэ фитыныгъэу яIэхэр гъэ­пытэгъэнхэм ехьылIагъ», 

«ЧIыпIэ зыгъэIорышIэжьынымкIэ къулыкъухэм сабый ибэхэм, ны-тыхэр зышъхьарымытыжь кIэлэцIыкIухэм ясоциальнэ фэIо-фашIэхэр гъэцэкIэгъэнхэмкIэ Адыгэ Республикэм икъэралыгъо полномо­чиехэм ягъэцэкIэн зэрагъэтIылъыжьырэм ехьылIагъ», 

«Бжьэхъуным ехьы­лIагъ» зыфиIохэрэм, Адыгэ Республикэм изаконхэу «2014-рэ илъэсымкIэ ыкIи 2015-рэ, 2016-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», 

«Къэлэ­гъэпсын IофшIэным ехьылIагъ», «Адыгэ Республикэм щыпсэухэрэм динэу алэжьыщтыр къыхахынымкIэ фитыныгъэу яIэм ехьылIагъ»,

 «ЧIыпIэ зыгъэIоры­шIэжьынымкIэ къулыкъухэм зыныбжь имыкъугъэхэм яIофхэм язэхэфынрэ  ахэм яфитыныгъэхэм якъэухъумэнрэ афэгъэзэгъэ комиссиехэм язэхэщэнкIэ Адыгэ Республикэм икъэралыгъо полномочиехэр афэгъэзэгъэнхэм ехьылIагъ», 

«Муниципальнэ образованиеу «Теуцожь районымрэ» ащ игъунапкъэ гъэнэфэгъэнымрэ яхьылIагъ», 

«Муниципальнэ образованиеу «Теуцожь районым» муниципальнэ районым истатус етыгъэным, ащ хэхьащт муниципальнэ образованиехэр зэхэщэгъэнхэм ыкIи ахэм ягъунапкъэхэр гъэнэфэгъэн­хэм яхьылIагъ» зыфиIохэрэм зэхъокIы­ныгъэхэр афэшIыгъэнхэм фэгъэхьыгъэм» апэрэу ахэплъэгъэныр ыкIи нэмыкI Iофыгъохэр.


Жуковскэм иурам тет унэу N 22-м хэт Залышхоу зэхэсыгъохэр зыщы­кIо­рэм сыхьатыр 11.00-м иIофшIэн щы­ригъэжьэщт.

Адыгэ Макъ