ИА Натпресс къызэритырэмкIэ Къэбэртае-Бэлкъар республикэм щыщ Адыгэ кIалэу Iэхъохъу Анздор Адыгэхэм къяджэ къыдэIэпыIэнхэу. Шъугу къэтэгъэкIыжьы мэзаем и 7-м 2014-рэ илъэсым Адыгэ кIалэ куп, Iэхъохъо Андзори ахэтэу Налщыч мырэзэныгъэ зэхахьэ щашIыгъагъ. Ар Шъачэ олимпиадэу щырагъэжьагъэм фэмыразэхэу мы зэхахьэр ашIыгъагъ. А мафэдэдэм Адыгэ кIалэ нэбгрэ 30 фэдиз полицием ыубытгъагъ. Мыхэм анахьыбэр зы мафэкIэ къатIупщыжьыгъагъэх ау Андзорырэ джыри зы кIалэрэ тхьэмэфитIу хьапсым чIагъэсыгъагъэх. Андзор а тхьэмэфитIум къыкIоцI утынхэр рахыгъагъэх.
Мафэу къызатIупщыжьыгъэм щегъэжьагъэу непэ нэс полициер ыкIи зэфэшъхьэф къулыкъхэр Андзор ыужь итых, къинхэр рагъэлъэгъу, иунэ къаплъэхьызэпты, полицием ащэзэпты ыкIи хьапсым чIагъэтIысхьэнэу ыужь итых. Андзор ымышIагъэ Iофхэр пцIыкIэ ышIагъэ фэдэу къытагъэтаджэ.
Полицием идезэкIуакIэ къыхэкIэу Андзор интернетымкIэ Адыгэхэм къяджагъ къыкъотынхэу ыкIи къыдэIэпыIэнхэу.
Адыгэ Iофым ипсэкIэ, ипкъыкIэ, игукIэ пылъ Адыгэ кIалэу Iэхъохъу Андзор Адыгэу зызлъытэжьырэ пстэуми пшъэрылъ ателъ къоуцонхэу ыкIи дэIэпыыIэнхэу.