ШэкIогъум и 22-м, Къэбэртае-Бэлкъар Республикэм икъэлашъхьэ Налщыч, Урыс дзэ къулыкъухэм, Ислам Къэрал зыфаIорэ терор организацием щыщэу нэбгрэ 14 щаукIыгъ. Джащ фэдэу а къулыкъудэдэхэм къатыгъ.
Пчъэдыжьым, Налщыч идэжь Iут мэзгорэм хэсыгъэ зэуакIо нэбгрэ 11 хъущтыгъэхэр дзэ къулыкъухэм къауцохьыхыгъэх. ЗэуакIохэр IащэкIэ дзэ къулыкъхэм къахэущтыгъэх ау дзэ къулыкъхэр атехьэхи зэуакIохэр аукIыгъэх.
Шэджагъо ужьым, Налщыч иурамгорэм Iутыгъэ дзэ къулыкъухэм зы мащинэгорэм нэбгрищ исхэу къахэуагъэх ытIанэ дзэ къулыкъухэр ахэм ахэожьыхи нэбгрищэр аукIыгъэх.
Дзэ къулыкъухэм къызэратыгъэмкIэ нэбгрэ 14-у аукIыгъэхэр Ислам Къэрал зыфаIорэ терор организацием хэтыгъэх ыкIи ахэм Iащэ бэ аугъоигъэу аIыгъагъ. АукIыгъэхэм ащыщхэм яцIэхэр къатхыгъ. Ахэр е Адыгэх е Бэлкъарых.
Мы хъугъэ-шIагъэм фэдэхэр мазэ къэс пIомэ хъунэу ипшъэрэ Кавказым ыкIи къэбэртае-Бэлкъарым къыщэхъух. Адыгэ Iофым пылъхэм къызэраIорэмкIэ, Адыгэ ныбжьыкIэхэр терор организациехэм ахэмыхьэнхэм пае ахэр Адыгэ лъэпкъ Iофым къыхэпщэнхэу уадэлэжьэн фае, ау, Къэбэртае-Бэлкъарым ихьыкумэт ыкIи Урысие Зэгохьэныгъэм ихьыкумэт Адыгэ лъэпкъ организациехэр агъэлажьэхэрэп. Джащ фэдэу Адыгэ ныбжьыкIэхэр зыхэхьэщт Адыгэ организациехэр щымыIэ зыхъукIэ мыдрэ терор организацинхэм ахэхьэнхэу мэхъу.