Чъэпыогъум и 5-м Адыгэ Республикэр загъэпсыгъэр илъэс 21 хъущт. Ащ фэшъуащэу республикэм зэхахьэхэр, фестивалхэр ыкIи нэмыкIхэр къыщекIокIыщт. Ау непэ тыкъызтегущыIэщтыр а илъэс 2I-м Адыгеим зэхъокIыныгъэ шъхьэIэу фэхъугъэхэр ары.
УФ ипрезидент Путин Владимир 2000 илъэсым къыхадзыгъ. Ащ щегъэжьагъэу Адыгэ республикэм иконституцие ыкIи изаконхэм зэхъокIыныгъэхэр фашIыгъ. Ащ къыхэкIэу Адыгеим статусэу иIэр къырагъэфэхыгъ ыкIи Адыгэхэм фитиныгъэу яIэхэр нахь макIэу ашIыгъэх.
Адыгеим иконституцие хагъэкIыгъэхэм ащыщых совернитетыр (шъхьэфитыныгъэр) Адыгеим ипрезидент Адыгабзэ ишIэн фаеу конституцием зэритхэгъагъэр , президент цIэр Iурахи ЛIышъхьэу зэрашIыгъэр. Джащ фэдэу конституцием бэ хагъэкIыгъэр, чIыгум, экономикэм ехьылIагъэхэу, непэ нэс зэхъокIыныгъэхэр ашIых. Мы политикэр къызрифэкIырэр Федерал гупчъэр (Кремлиныр) ары. Ащ ягухэлъэр Адыгэхэм зи статус амыIэжьынэу къагъэнэнхэр ары. Мыр Адыгеим изакъоп зыщашIырэр, ар Къэбэртае-Бэлкъарыми, Къэрэщай-Черкесыми арых.
2006 илъэсым Адыгэ Республикэр щымыIэжьыхэнэу фежьэгъагъэх ау ащ лъэщэу пэуцогъагъэх чылагъо движениехэу "Черкес Конгресымрэ" "Адыгэ Хасэмрэ" ыкIи а Iофыр къагъэуцугъагъ. А илъэсым Адыгеим ит лъэпкъ хасэхэм ямызакъоу адрэ Черкес Республикэхэм щылажьэрэ лъэпкъ хасэхэри ахэтхэу джэпсалъэхэр къатыгъгъ Адыгэхэр зы хъужьынхэу, зы Республикэу яIэнэу.