Адыгейм и Лъэпкъ музейм и лэжьакIуэ, археолог цIэрыIуэ Тау Аслъэн игъэхьэзыра тхылъ гъэщIэгъуэным республикэм и еджапIэ нэхъыщхьэхэм я студентхэм щыгъуазэ защIащ. Абы теухуа зэIущIэ НыбжьыщIэ библиотекэм щызэхэтащ.
Илъэс 30-кIэ Тау Аслъэн Адыгейм и щIыналъэр зэрыщыту щIипщытыкIащ, Iуащхьэ пщIы бжыгъэхэр къыщатIэщым хэтащ, адыгэхэм я щэнхабзэ къулейм щыхьэт техъуэ артефакт минхэр къигъуэтащ. ЗэIущIэм хэтахэм къыхагъэщащ лъахэм и тхыдэм дихьэхыу республикэм щыпсэухэм тхылъыр гъэщIэгъуэн зэращыхъунур. Тау Аслъэн ар урысыбзэкIи къыдигъэкIыну и мурадщ.