Шапсыгъэ щыIэ къуаджэу Iэгуй Адыгэ Музей къыщызэIуахыгъ


Чъэпыогъум и 21-м Шапсыгъэ шъольырым и ТIуапсэ район щыIэ Адыгэ къуаджэу Iэгуй Адыгэ музей (Адыгэ Унэ) къыщызэIуахыгъ. Ащ Адыгэ лъэпкъым епхыгъэ Iэмэпсымэхэр, тхылъхэр ыкIи нэмыкIхэр къыщагъэлъагъо. Джащ фэдэу къеты Адыгеим иТВ. 

Музеим ыгъэуцун дэлэжьагъ Хы-Iушъо Адыгэхэм якультурэ гупчъэ хасэм итхьэматэ Шъхьэлахъо Мадина. Музеир къыщызэIуахыгъэ мафэм хэлэжьагъ Краснодар краим политикэ IофхэмкIэ идепартмент итхьэматэ гъуадзэу Цурмыт Мугидин. 

Къуаджэу Iэгуй ТIуапсэ къалэ икъохьапIэ лъэныкъом км 20-кIэ пэчъыжьэу Iус. Ащ Адыгэ 2000 фэдиз щэпсэу. Къуаджэм ицIэ зытрахыгъэр псыхъоу Iэгуй.