Лъэпкъыбэ цIыф фитыныгъэ ухъумакIо купэу « Гъунапкъэ зимыIэ репортёрхэр » зыцIэм ыгъэхьазырыгъэ тхылъым къызэрэщиIорэмкIэ, 20I4-рэ илъэсэу икIрэм дунаимкIэ журналист 66-рэ щаукIыгъэх яIофшIэн агъэцакIэзэ. Илъэс ыпэ журналист аукIыгъэхэр 71-рэхъущтыгъэх.
Урысыем щыщэу зы нэбгырэ тхылъым щыгъэнэфагъ, иIофшIэн епхыгъэу аукIыгъэу къалъытагъэ Къэбэртэе Бэлкъарым щыщ Куашэ Тимур. « Гъунапкъэ зимыIэ репортёрхэр » зыцIэм ыгъэхьазырыгъэ тхылъым зэрщыгъэнэфагъэмкIэ Сирием журналист – I5 щаукIыгъ, журналист нэбгырибл палести чIыналъэм щаукIыгъэх, Ирак- 4, Украинэм 6. Ащ фэдэуи тхылъым щыгъэнэфагъ, мы илъэсым %37-рэкIэ хэхъуагъэу къэбар гъэIу IофышIэхэу атыгъугъэм ипчъагъэ. ЗэкIэмкIи 119-рэ атыгъугъэх. Лъэпкъыбэ цIыф фитыныгъэ ухъумакIохэм ащ фэдэуи игугъу къашIы журналист хьапсэ ашIыгъэхэми.
Китай хьапсэм 29 щаIыгъ, Эритрее 28, Иране – 19. « Гъунапкъэ зимыIэ репортёрхэр » зыцIэм анахьэу ынаIэ тыридзагъ Азербайджаным щагъэтIысыгъэ Хадиджа Исмайловэ, ащ журналист зэхэгъэкIыныгъэхэр ышIыщтыгъэх ыкIи фитыныгъэ радиом ар идэлэжьэгъоу щытыгъ.
Фитыныгъэ радио