АдыгеимкIэ гущыIэм ифитыныгъэ иIоф хьылъэу къанэу бэдауш IофшIакIомэ къыхагъэщы. Бэхэмэ зэралъытэрэмкIэ, цIыфыр зэрегупшысэрэу, зэрилъытэрэм тетэу зыфаер къыщиIон ылъэкIрэп. Ежь иеплъыкIэкIэ мы Iофым фэгъэзагъэу Фитыныгъэ радиом игущыIэгъугъэ Адыгеим щыщ бэдауш IофшIакIоу Чундышко Заурбий:
- Хабзэхэм зэкIэ дэгъу аIошъ Мэзкуу афаIопщы. Ау шъыпкъэ щытыкIэр нэмыкI. КIо тэ тIорэри зэкIэмэ къарагъахьэрэп. Гъэзетым зи къырагъахьэрэп, телевидениеми ары. НэмыкIэу гупшысэхэрэм къырагъэкIуалIэхэрэп. Ащ фэдэ цIыфхэм атеIункIэх.
---
ЦIыф фитыныгъэхэм яухъумэн тегъэпсыхьэгъэ купэу «Хьюман Райтс Вотч» зыфиIорэм илъэс къэс къешIы зэфэхьысыжьхэр къэралыгъо зэфэшъхьафхэм фитыныгъэхэмкIэ яIоф изытеткIэ. 20I4 илъэсэу икIыгъэмкIэ, купым икъэтынхэмкIэ, урысые унэшъошIым ригъэхъугъэу ары фитыныгъэхэм ящыкъон. ШЪхьафитэу угущыIаным фэгъэхьыгъэу, фитыныгъэ ухъумакIо купым къыхагъэщыгъ блэкIыгъэ илъэсым Урысыем щызэфашIыгъэхэу къэбар лъыгъэIэс амал сайтхэм уазэрэхэхьашъущтыр.
Фитыныгъэ радиом игущыIэгъугъэ хъурцэ политологэу Лебонидзе Соломон:
- ГущыIэ фитыныгъэмкIэ УрысыемкIэ Iофым лъэныкъуитIукIэ укъеплъынт плъэкIыщт. ГущыIэ фитыныгъэ яIэу, гущыIэм пае сэлъытэУрысыем щылажьэрэ радиоу «Мэзкуу иджэмакъ» зыфиIорэр. ЯтIонэрэ лъэныкъомкIи бэ щыIэр къэбар лъыгъэIэс амалхэу унэшъошIхэм анаIэ телъхэр. ЦIыфмэ зэрэфаем фэдэу зыфаер къаIоныр хьылъэ. ГущыIэм пае, урысые парламентым щылажьэрэ зы депутатым иеплъыкIэу къыхигъэщыгъэмкIэ джы ар къумалэу алъытэ. Iофыр зыфэгъэхьыгъэр ащ къызэриIуагъэр ары Къырым Урысыем гобгъахьэ мыхъущтэу. Урысыем щыпсэухэрэм къэбар лъыгъэIэс амалхэмкIэ анагъэсрэ къэбархэр зэкIэ къэралыгъо унэшъошIым ыIамчIэ чIэлъ, Iо хэмылъэу. Урысыем ис нахьыбэм унэшъошIым деIэшъ, унэшъошIыр егугъу а IэпыIэгъур зыпкъ итыным.
Фитыныгъэ радио, Щэрджэс Ларис