Мудран Бесланрэ Джыдыо Аниуарырэ Европэм ичемпионхэу хъугъэх


Мудран Беслан (сэмэгумкIэ) 

Мы блэкIыгъэ мафэхэм Азарбайджан икъэлашъхьэ Баку дзюдо бэнэнымкIэ Европэм ичемпионат щыкIуагъ. Ащ мэкъуогъум и 25-м, Къэбэртае-Бэлкъар республикэм щыщ бэнакIоу Мудран Беслан 60 кг. онтэгъумкIэ апэрэ чIыпIэр къихьыгъ, Европэм ичемпионэу хъугъэ. Финалым Беслан Азарбайджан щыщ бэнакIоу Сафаров Iурхан текIуагъ. 

Тхьэмафэ ипэкIэ, мэкъуогъум и 17-м, а чIыпIэдэдэм (Баку) шъхьэфит бэнэнымкIэ Европэм ичемпионат щыкIуагъ. Ащи Къэбэртае-Бэлкъарым щыщ бэнакIоу Джыдыо Аниуар 74 кг. онтэгъумкIэ апэрэ чIыпIэр къихьыгъ, Европэм ичемпионэу хъугъэ. А мафэдэдэм Джыдыом шъао (кIэлэцыкIу) къыфэхъугъ. 



Джыдыо Аниуар (сэмэгумкIэ)