Адыгэ журналист, пэжырытелъхьэ КIуащ Тимур и хэкIуэдэкIэ хъуар Къэбэрдей-Балъкъэрым щызэхэгъэкIа хъунукъым, абы федерал мыхьэнэ ирамыту. Ар жаIащ «Яблоко» партым щхьэзакъуэ пикет къэзызыгъэпэщахэм.
Хуитыныгъэ Радиом и хъыбархэм зэрыхэтащи, нэгъабэ, шыщхьэIум и 1-м, Налшык и Iуэгъуэблагъэхэм къыщагъуэтыжащ КIуащым и хьэдэр.
Медицинэ экспертизэ ирагъэкIуэкIати, къызэрыщIэкIамкIэ, журналистым и блэгущIэм мастэ хэлъхьэпIэ иIэт.
Мэзкуу деж, бадзэуэгъуэм и пщIищрэ зым, «Яблоко» щIалэгъуалэ къудамэм щхьэзакъуэ пикетхэр иригъэкIуэкIащ а Iуэхур зэхагъэкIын хуейуэ ягъэуву.
КIуащ Тимур и ныбжьэгъухэми, и дэлэжьэгъухэми къалъытэ ар яукIауэ.
Журналистыр ткIийуэ ирипсалъэт урысей къару къулыкъухэм зэрахьэ залымыгъэхэм. Ар апхуэдэу къащхьэщыжт муслъымэнхэм я хуитыныгъэхэм.
Хуитыныгъэ Радио