10 February 2016

Кремлым трегъэчыныхь оппозицэ политикым зэрытеуамрэ Шэшэн унафэщIхэмрэ зэмыпхауэ


Урысей оппозицэ политик Касьянов Михаил зыгуэрхэр зэрытеуам пхъашэу пэджэжащ Кремлыр.

ИкIи жеIэ а къэхъугъэмрэ Шэшэн унафэщIхэмрэ зыкIи зэмыпхауэ. Ар жиIащ Урысей президентым и прессэ-секретарь Песков Дмитрий. 

Касьянов здыщIэс мэзкуу рестораным лIы гуп щIыхьэри абы ираутIыпщащ ерыскъыхэкIхэр, абы дэщIыгъуу зэрагъэшынэ псалъэхэри жраIащ. 

Гъубж къэхъугъэм Песков еджащ «къуейщIеягъэкIэ». 

Урысей оппозицэ политик пашэхэм ящыщ Касьянов Михаил теуэныгъэ зэриIар къитащ ПАРНАС политикэ къарум, мазаем и 9-м. 

Хуитыныгъэ Радиом и хъыбархэм зэрыхэтащи, щIышылэм и 31-м Шэшэн администрацэм и пашэ Кадыров Рамзан Инстаграммым иригъэуващ оппозицэ политик Касьянов Михаилрэ журналист Кара-Мурза Владимиррэ зэрыт видеороликыр, абдежым ахэм ятеубыдащ фочыр. 

Касьянови Кара-Мурзаи къалъытащ, ар укIыгъэкIэ зэрагъэшынэ Iэмалу. Урысей оппозицэмрэ пэжырытелъхьэхэмрэ куэд щIауэ ягъэгузавэ Кадыров Урысейм и Конституцэр зэрикъутэм, абы унафэ зыхуищI Шэшэным щыпсэухэр шынагъэмрэ залымыгъэмрэ хэту зэригъэпсэум.

Хуитыныгъэ Радио


No comments:

Post a Comment

Адыгэ Хэку
Диаспорэ
Хэкугъэзэжьын
Тхыгъэхэр Жаман Аминэ – дунейпсом гулъытэшхуэ щызыгъуэта адыгэ киноухуакIуэ

Адыгэ УпчIэ
Археологиер
Экологиер
Спортыр
Туризм