05 March 2016

Адыгэ Республикэ: Адыгэкъалэ щашIыщт мэщытым ипроект зэкIарагъэхьажьыгъ

Сурэтыр: Непэ мэщытэу Адыгэкъалэ дэтыр 

АрхитектурэмкIэ ыкIи къэлэ гъэпсынымкIэ советым изэхэсыгъо Мыекъуапэ щыкIуагъ. Зэу ащ Адыгэкъалэ щашIыщт мэщытым щытегущыIагъэх.

Мэщытым ипроект советым хэтхэр апэрэу хэплъагъэх, ау зышIыгъэхэр икъоу дэмылэжьагъэхэу зыIуагъэхэр къахэкIыгъ. Хъуажъ Рэмэзан мэщытым итеплъэ ыгъэрэзагъэп: кIыхьагъэ, шъомбгъуагъэ, лъэгагъэу хэтхэмкIэ зэмышапхъэхэу ылъытагъ.

Джащ пае проектыр зиехэм, зэкIахьажьынышъ, агъэтэрэзыжьынэу советым унашъо щашIыгъ. Динлэжьхэу ар къязыхьылIагъэхэр, бащэ къырамыIуалIэу, Iуагъэм къезэгъыгъэх.

Мэщтыр республикэм итымэ анахь иныщтэу аIо, къызэралъытэрэмкIэ, квадратнэ метрэ 1150-м ехъу зэлъиубтыщт, илъэгагъэ метрэ 22-рэ хъущт, IазэнэджапIэхэм метрэ 44-рэ ялъэгэгъэщт. 

Апэрэ къатым хъулъфыгъэмэ апае тхьэлъэIупIэ, амдэз штапIэ иIэщтых. ЯтIонэрэ къатыр бзылъфыгъэхэм афэгъэзэгъэщт. Джащ фэдэу тхылъеджапIи хэтыщт. Мэщыт IухьапIэм чIыпIэ 85-мэ ателъытэгъэ автомобиль уцупIэ щагъэпсыщт. 



No comments:

Post a Comment

Адыгэ Хэку
Дунае
Кавказ Урысие
Диаспорэ
Тхыгъэхэр
Хэкугъэзэжьын
Адыгэ УпчIэ
Археологиер Экологиер
Спортыр
Туризм