Хъуадэ Аднан Сирие Адыгэхэр заом къыхэщыжьыгъэнхэм, ахэр хэкум къэщэжьыгъэнхэм афэгъэхьыгъэу Мыекъуапэ пикет щешIы
ЖъоныгъуакIэм и 8-м дунае хасэу Адыгэ Хэкупсэхэм инджлизбзэкIэ тхыгъэу джэпсалъэ цIыфхэм яфитыныгъэхэр къэзыухъумэрэ дунае хасэхэм афигъэхьыгъ Хъуадэ Аднан жъоныгъуакIэм и 5-м МыекъуапэкIэ хьапсым зэрэчIагъэтIысхьагъэм пае.
Джэпсалъэм къыщаIо Хъуадэ Аднан Адыгэхэм яфитыныгъэхэм зэрэдэлажьэрэм пае Урысие-Федерацием изэфэшъхьэф къулыкъухэм къинхэр зэрэрагъэлъэгъурэр. Джэпсалъэм къызэкIэлъыкIоу къыщатхы Хъуадэ Аднан лажьэ имыIэу заулэрэ зэраубытыгъагъэр, хьапсым зэрэчIагъэтIысхьэгъагъэр.
Мы Iофым шъухэплъэнэу зышъуфэтэгъазэ щатхы джэпсалъэм икIэухым. Ащ нэмыкIэуи джэпсалъэм джыри тхыгъэ ригъус. Ар Адыгэ лъэпкъым лъэпкъ къэкIодэу Урысие Империем къыришIэлIагъэм фэгъэхьыгъ .