Республикэ чылагъо хъыеныгъэу "Адыгэ кIотэныгъэм" игъэцэкIакIо куп изэхэсыгъо шэкIогъум и 30 рекIокIыгъ. Ащ упчIэхэу 7 къыхалъхьагъ. Апэрэр Краснодар агломерацием ишIын. А упчIэр ары анахьэу зытегущыIагъэхэр. Мыщ шIокIэу къэIуагъэ хъугъэ, зэхэсыгъо пэпчъ а упчъэм зэрэрыгущыIэщтхэр.
ГъэцэкIакIо купым хэтхэм яеплъыкIэхэр къыраIотыкIыгъэх, агломерацием дэигъэу Адыгэ Республикэм къыфихьын ылъэкIыщтыр. ЫкIи сыд фэдэ лъэбэкъуа мыщ къыкIэлъыкIощтыр елъытыгъэщт, джэпсалъэу республикэм и лIышъхьэу КъумпIыл Мурат фагъэхьыгъэм, и джэуапэу къитыжьыщтым.
ЯтIонэрэ упчIэр зыфэгъэхьыгъагъэр, чIыпIэ къин Урысые Федерацием иc лэпкъыхэр изгъэуцогъэ Законэу "ЗэмыгъашIэми хъун лъэпкъ къэралыгъуабзэхэр". Мыщи шъыпкъагъэ хэлъэу тегущыIагъэх.
Ащ ыуж упчIэр зыфэгъэхьыгъагъэр ЕСПЧ - м, и унашъоу "ЦIыфмэ я фитныгъэхэр укъуагъэ зэрэхъугъэр Кремлым къыфитхыгъ. Темыр Кавказым и шъолъырмэ гей парадхэр рагъэкIокIынэу фитныгъэ аритынэу.
ЕплъыкIэу ГъэцэкIакIо купым къыIуагъэр "ЕСПЧ - м и унашъо, быслъымэн динэу Темыр Кавказым илъым ыкIи лъэпкъ зэфэшъхьафмэ я шэн хабзэхэм апэшIуекIохэу". Купым зэдрагъэштагъ, мы Iофым елъытыгъэу джыри жьыIо зы еплъыкIэ зэдэштгъэным, нэмыкI Iоф къиныбэ щыIэу. Зэрэщытэу зэхэсыгъор пштэмэ, зи гъэнэфагъэу ухыгъэ унашъо ыштагъэп, хьазырэу зэрэщымытым фэшI.
Хъыеныгъэм ипресс гупчъэ
circassianprogress.blogspot.com