Ар махуэкум къитащ Кавказ узел сайтым. Ар яубыдат Олимпиадэр Сочи деж зэрырагъэкIуэкIымкIэ мыарэзыуэ Налшык щызэхыхьа пэкIум.
Ахъуэхъум журналистхэм зэражриIамкIэ, полицэм деж абы къару кърахьэлIащ. Езым и псалъэхэмкIэ, езыращ а пэкIур къызэзыгъэпэщар.
Хуитыныгъэ Радиом и хъыбархэм зэрыхэтащи, мазаем и 7-м Налшык деж полицэм зэпиудащ Сочи Олимпиадэр къыщызэIуха махуэм екIуэкIа мыарэзыныгъэ пэкIур. Апщыгъуэм полицэм иубыдауэ щытащ цIыху 30-м нэблагъэ.
Апхуэдэу Хуитыныгъэ Радиом и хъыбархэм зэрыхэтащи, Урысейм, Тыркум, Германием, Латвиемрэ Иорданиемрэ я адыгэ бэдаущ зэщIэхъееныгъэхэм зыхуагъэзащ Къэбэрдей-Балъкъэрым и Iэтащхьэ КIуэкIуэ Юрий. ЖаIащ пэкIухэтхэр зыубыдахэм жэуаплыгъэ ирагъэхьын хуейуэ.
Хуитыныгъэ Радио.