Республикэ щхьэхуэу зыкъэзылъытэжа Абхъазым и президент Анкваб Александр зыщегъэпщкIу Гудаутэ щыIэ урысей дзэ быдапIэм. Ар жиIащ премьер-министр Лакербая Леонид.
НэхъапэIуэу мы тхьэмахуэм оппозицэм парламентыр иубыдри, пIалъэкIэ лажьэ цIыхубэ гупжьей къызэригъэпэщащ. Махуэкум парламентым Анкваб Александр къыхуриджащ и IэнатIэм къытекIыну.
Урысей къулыкъущIэхэм яIущIа нэужь, Анкваб жиIащ и IэнатIэм темыкIыну. Оппозицэм апхуэдэу и IэнатIэм къытригъэкIыну хуей Лакербая и псалъэхэмкIэ, Анкваб урысей дзэ зыщегъэпщкIу, и щхьэ тошыныхьри.
Анкваб къилъытащ пIалъэкIэ лажьэ цIыхубэ гупжьей къызэрагъэщIам республикэм и конституцэр икъутэу. Абхъаз президентым урысей журналистхэм мэремым яжриIащ апхуэдэ къулыкъу къызэрагъэпэщ хъуну зы хабзэ тхылъми къыщымыгъэлъэгъуауэ.
Хуитыныгъэ Радио