Шэшэн администрацэм и Iэтащхьэ Кадыров Рамзан и мобил телефоныр зэрыкIуэдам и IуэхукIэ цIыху миным щIигъур ираджэу абыхэм зэрыпкъырыупщIыхьар мыпэжу жеIэ абы и пресс-дэIэпыкъуэгъум.
Керимов Альви къызэрыхигъэщамкIэ, Кадыровым телефонитI иIэщи, «тIури и лэжьапIэ Iэнэм телъщ».
Пэжырытелъхьэ Мемориал купсэм нэхъ пасэу къызэритамкIэ, сабийхэри яхэту цIыху миным щIигъу жэщым зэхуашэсри, телефон кIуэдам и IуэхукIэ нэху щыху пкъырыупщIыхьахэщ.
ШыщхьэIум и 16-м Кадыровыр щыIащ Грозный и ипщэ-къуэкIыпIэмкIэ, Герменчук къалэбгъум къыщызэIуах музейм. ИкIи и телефоныр зэрыкIуэдам папщIэ абы щыIа псори зыкIэ-зыщхьэ ящIащ.
Хуитыныгъэ Радиор япсэлъащ а махуэщIым хэта къэрал къулыкъущIэ зыбжанэм. Абыхэм щIагъэбыдащ Мемориалым къита хъыбарыр, ауэ езыхэм я цIэхэр къраIуэн ядакъым.
Хуитыныгъэ Радио