Щылэ мазэм и 13-м, ТхьакIущынэ Аслъан республикэм пэщэныгъэ зыдызэрихьэрэр илъэси 8 хъугъэ. 2007-рэ илъэсым щылэ мазэм и 13-р ары Адыгеим и ПрезидентыкIэ IэнатIэм зэрэIухьэрэм фэгъэхьыгъэ Iофтхьабзэр зыщыIагъэр. 2011-рэ илъэсым тыгъэгъазэм ыкIэхэм адэжь Урысыем и Президент республикэм и ЛIышъхьэ IэнатIэкIэ ащ икандидатурэ къыгъэлъэгъогъагъ ыкIи Адыгэ Республикэм и Къэралыгъо Совет - Хасэм идепутатмэ ащ къыдырагъэштэгъагъ.
2011-рэ илъэсым щылэ мазэм и 13-м ТхьакIущынэ Аслъан ятIонэрэу Адыгеим и ЛIышъхьэу агъэнэфагъ. Адыгэ Республикэм и ЛIышъхьэу ТхьакIущынэ Аслъан пэщэныгъэ зыщызэрихьэгъэ уахътэм къыкIоцI тиреспубликэ зэхъокIыныгъэшIухэр къыщыхъугъэх - бюджетым фэдищкIэ хэхъуагъ, сомэ миллиарди
100-м ехъурэ инвестициехэр ащ къыIэкIэхьагъэх, социальнэ псэуалъэхэр, кIэлэцIыкIу IыгъыпIакIэхэр, фельдшер-мамыку IэзапIэхэр, еджапIэхэр, спорт джэгупIэхэр агъэпсыгъэх, IофшIэнмыгъотыныгъэр къеIыхыгъ.
Мы мафэм фэшI ТхьакIущынэ Аслъан тыфэгушIо, ыкIуачIэ изэу джыри бэрэ Iоф ышIэнэу, хэхъоныгъакIэхэр ышIынхэу тыфэлъаIо!
Адыгэ Макъ
