Хъурцэм илIышъхьагъэу Саакашвили Михаил джырэкIэ ятIонэрэ мазэ хъоу Украиным и Одесс шъолъыр ипащэу мэлажьэ. Ар пэщэныгъэм тыригъэуцуагъ джырэкIэ Украиным илIышъхэу Порошенко Петр.
Одессэм щыпсэухэрэм Саакашвили ипэщэныгъэкIэ яеплъыкIэхэу «Кавказым иджэмакъ» зыфиIорэ къэбар къылыкъум къыраIуагъэхэр зэфэшъхьафых. Зыхэм алъытэ ащ зэфэныгъэ шъолъырым зэрэхилъхьащтыр, Хъурцэм щыригъэкIокIыгъэ зэблэхъуныгъэхэм афэдэхэри Украиным щишIынэу. Фэшъхьафхэм Саакашвили ипэщэныгъэ уасэ къыратыныр къяхьылъэкIы. НэмыкIхэм аIо зы мазэкIэ зыгори шIэгъэн зэрэмылъэкIыщтыр.
Фитыныгъэ Радиом кIэупчIэныгъэ ригъэкIокIыгъ Хъурцэм щыпсэухэрэр Саакашвили иIофшIэн Украинэм зэреплъхэрэмкIэ. Фитыныгъэ Радиом игущыIэгъугъэ Мариам елъытэ, Саакашвили ишэн къыхьэу иIофшIэни къыдэхъущтэу.
Мариам: Мыщ икIыжьыгъ ар, ыкIи къэкIожьынэу ищыкIагъэу щытэп. Саакашвили игъор ара джы уахътэр ара нахьышIур – сшIэрэп. ДжырэкIи щыIакIэр нахь дэгъу хъугъэп. Риск зыхэлъ цIыф, арышъ зэкIэ Украинэм щигъэцэкIэнкIи мэхъу.
Фитыныгъэ Радиом игущыIэгъугъэ къалэу Тбылыс щыпсэурэ Нуцэ къыхегъэщы Саакашвили илэжьэныгъэ Украинэм зэрэкIэлъымыплъэрэр.
Нуц: СшIэрэп, сэ политикэм зы къызгурыIорэп, ыкIи сылъыплъэрэп. СшIогъэшIэгъонэп. Хъурцэ телеканалхэми сяплъырэп.
Фитыныгъэ Радиом игущыIэгъугъэ Ликэ елъытэ Саакашвили УкраинэмкIэ джырэкIэ нахь ищыкIэгъэ цIыфэу зэрэщытыр.
Лика: Сэ зэрэслъытэрэмкIэ,пшъэрылъэу Саакашвили Украинэм зыщыфигъэуцужьыгъэхэр къыщыдэхъущтых. Хъурцэм ар ищыкIэгъэжьэп сшIошI. Сэ Саакашвили ащ иIофшIакIэ сылъыплъэрэп.
Саакашвили Михаил Хъурцэм пэщэныгъэ илъэси8 къыкIоцI щиIыгъыгъ 2004 илъэсым щыублагъэу 2013 нэс. Ар иполит куп игъусэу «Розэхэм яреволюц»зыцIэгъэ ащыгъум Хъурцэм пащэу иIагъэм изэкIэгъэкIон ашIыгъагъ. Хъурцэм ипащэ мыхъурэ къэралыгъом оствь IофхэмкIэ министрэу лажьэщтыгъэ. Хъурцэм ипэщэныгъэ зытекIым Украинэм илIышъхьэ иупчIэжьэгъоу лэжьагъэ 2015 илъэсым мэзаем и13 къыщежьэу.
Мыщ ыуж ит илъэсым жъоныгъуакIэм и30 къыщыублагъэу Одессэ ипащэу тырагъэуцуагъ. Ежь Саакашвили къвзэрэхигъэщыгъэмкIэ, Хъурцэм щыригъэкIокIыгъэ зэблэхъуныгъэхэм афэдэхэр Украинэми щишIынхэр игухэлъых.
Михаил Саакашвили Хъурцэм пэщэныгъэ щиIыгъы зэхъур ары шъхьафит къэралыгъохэм ащыщэу Хъурцэр апэрэу адыгэмэ ялъэпкъгъэкIод къэзыштагъэр, жъоныгъуакIэм и20, 2012илъэсым.
Фитыныгъэ Радио, Щэрджэс Ларис, Тбылыс