Лъэпкъ Зэготхэм (ООН) ыкIи Сирие цIыф фитынгъэхэр къэзыухъумэрэ хасэу Европэм щыIэм пчъагъэхэр къызэралъытагъэмкIэ, Сирием зао къызэрежьэ, 2011-рэ илъэсым щегъэжьагъэу непэ нэс, цIыф 210,000 фэдиз а заом хэкIодагъ, цIыф милионрэ ныкъорэ нахьыбэ уIагъэ. ЦIыф милион 4-м нахьыбэ Сирием ыкIыжьыхи нэмыкI хэгъэгухэм ыхьагъэх.
Адыгэ Iофым пылъхэм къызэраIорэмкIэ Сирием мин 100-м ехъу Адыгэ щыпсэущтгъэ. Ахэм ащыщэу заом хэкIодагъ 300 нахьыбэ, 2000-рагъо уIагъэ.
Мин 20 нахьыбэ Сирием ыкIыжьыхи нэмыкI хэгъэгухэм ыхьагъэх. Мыхэм анахьыбэр Тыркуемрэ Иорданиемрэ ыхьагъэх. Европэми мин 2 ехъу ыхьагъ. 2000-м тэкIу ехъу неIэп хэкум къэзыгъэзэжьын зилъэкIыгъэр.