Адыгэ Республикэр илъэс 28-кIэ узэкIэIэбэжьымэ республикэ зэрэхъугъэр чъэпыогъум (октябрем) и 4-м Гуманитар ушэтынхэмкIэ адыгэ республикэ институтэу КIэрэщэ Тембот ыцIэ зыхьырэм щыхагъэунэфикIыгъ. ЗэIукIэм президентищэу республикэм иIагъэхэм ащыщэу нэбгыритIур – Джарымэ Аслъанрэ ТхьакIущынэ Аслъанрэ – хэлэжьагъэх.
КъэгущыIагъэхэм президентитIум гъэхъагъэу ашIыгъэхэм ягугъу къашIыгъ. Джарымэ Аслъан илъэхъанкIэ (1992-2002) анахьэу къыхагъэщыгъэр Адыгеир Краснодар краим зэфагъэ хэлъэу зэрэхэкIышъугъэр ыкIи автоном хэкум республикэ шъуашэ иIэу гъэпсыгъэ зэрэхъугъэр. ТхьакIыщынэ Аслъан илъэхъанкIэ (2007-2017) анахьэу къаIуагъэр экономикэ лъэныкъомкIэ лъэубэкъушIоу дзыгъэ хъугъэхэр.
Джарымэр, зэрэтшIэрэмкIэ, апэрэ президент, ТхьакIщынэр – ящэнэрэр, ятIонэрэу тетыгъор зыIэкIэфэгъагъэр Шъэумэн Хазрэт (2002-2007). Ар чыжьэу щыIэти, къэкIошъугъэпын фай. Ау къеблэгъэшъугъагъэмэ ащи ищытхъу аджи къаIошъун алъэкIыщтыгъ щтын. Ахэмэ ащыщэу Адыгэ Республикэр зымыгъэкIодынхэу зыIохэрэм гу зэраригъэшIытыгъэ закъори екъу.
ЗэIукIэм Iэнэ хъураем игъэпсыкIэ иIагъ. Республикэм ыцIэ тарихъым, щыIэныгъэм нахь хэхьаным пае шIагъэмэ хъущтыхэр къапчъыгъэх ыкIы зэдаштагъэх. Ахэмэ ащыщэу анахь шъхьаIэр – урамэу «Пролетарскэр» проспектэу «Республикэм» ыцIэ ыхьэу гъэпсыгъэныр ары.
ЩэшIэ Аслъан
natpressru.info
