Европэ зэкъотныгъэр хэплъэ Урысыем фэгъэзагъэ санкцыехэр илъэсым ыкIэ нэс къызэрагъэнэщтым, ащ кIыгъууи щэгугъу КъокIыпIэ Украинэм мамырныгъэ щагъэпсыжьынымкIэ зэзэгъныгъэр зэрагъэцэкIэщтым. Европэ зэкъотныгъэм къыштагъэ санкциехэр, Урысыем энергетикэ ыкIи финанс IахьымкIэ зэдаштагъэу щытыгъ икIыгъэ илъэсым мэкъуогъум ыкIи бэдзэогъум, къары уиIэ зыхъугъэм щыублагъэу илъэсым къыкIоцI ахэр лэжьэщт.
Урысыем Крымыр зэрзыгуигъэхьагъэм ыкIи КъокIыпIэ Украинэм щыIэ пэуцуакIохэм Мэзкуур зэрадэIэпэкъурэм епхыгъэу къаштагъэ санкциехэм яуахътэ еухы,ар лъагъэкIотэнымкIэ зэдрагъаштэу унашъо къамыштэмэ. Европэ зэкъотныгъэ дипломатхэм ащыщхэм Фитыныгъэ Радиом къызэрраIуагъэмкIэ, Урысыем фэгъэзагъэ гъэкIэкIыныгъэхэр къышаштэн алъэкIыщт Европэ зэкъотныгъэм изэIукIэу Брюссель гъэтхапэм I9 –м щекIокIыщтым. Ахэм зэралъытэрэмкIэ, ар ищыкIагъ, санкциехэр диштэу ашIынымкIэ, мамыр зэзэгъыныгъэу мэзаем и I2 Минск щашIыгъэм, ащ къызэрэдилъытэрэмкIэ Украинэм Урысыем дыриIэ гъунапкъэр ынаIэ чIигъэуцожьынэу ары .
Дипломатхэм ащыщхэм къызэраIорэмкIэ Германием дырегъаштэ санкциехэр лъагъэкIотэнхэу, ау тещыныхьэ, минск зэзэгъыныгъэр ымгъэцэкIэным Урысыер къыфищэным . Мэзкум щегъэзые КъохьапIэмрэ Киевымрэ зэрагъэкъуанчэрэр, КъокIыпIэ Украинэм щыIэ пэуцуакIохэм адэIэпэкъоу ыкIи урысые дзэм щыщхэр украинэ чIыналъэм щыIэхэу зэраIорэр.
Фитыныгъэ радио