Адыгэ кIалэу интернетым щылажьэхэрэм къызэрэтаIуагъэмкIэ Iэхъохъу Андзор полициехэм тхьапэгорэм чIырагъадзыш, сыхьатэ 23.30 къатIупщыжьыгъ.ТапэкIэ Андзор суд ашIынэу ары ау уахътэр агъэнэфагъэп.
Мары къэбарэу къэттхыгъагъэр сыхьат 3 ипэкIэ:
Адыгэ Iофым дэлажьэрэ Адыгэ кIалэу Iэхъохъу Андзор полицием ыубытыгъ
Адыгэ кIалэу интернетым щылажэхэрэм чылагъо хъагъэу фасебоокым къызэрэщатхыгъэмкIэ непэ мэлылъфэгъум и 2-м сыхьатэ 19.30, Адыгэ Iофым пылъ Адыгэ кIалэу Iэхъохъу Андзор полицием Къэбэртае-Бэлкъар республикэм икъэлашъхьэ Налщыч щаубытыгъ.
Шъугу къэтэгъэкIыжьы, Шъачэ олимпиадэр зырагъэжьэгъагъэ мафэм Адыгэ кIалэ 30 фэдиз Налщыч мырэзэныгъэ зэхахьэ щашIыгъагъ. Ахэм Iэхъохъу Андзори ахэтыгъ. Мы мафэм нэбгрэ 30 полицием ыубытыгъагъ. Адрэ мафэм аубытгъэхэм нахьыбэр атIуыпщыжьыгъагъэх. Iэхъохъу Андзорырэ джыри зы кIалэрэ тхьэмафитIу аIыгъагъэх. А тхьэмафитIум Андзор къинхэр рагъэхъугъ ыкIи утынхэр рахыгъэх. Андзор къызатIупщыжьыгъэ нэужьыми полициер ыужь ыкIигъэп, иунэ къаплъэхьымэ, аубытымэ атIупщыжьэу аIыгъагъ.
Iэхъохъу Андзор демократием ыкIи мамырыныгъэм тетэу Адыгэ Iофым дэлажьэ. Мыщ фэдэу къызэрэдезакIохэрэр Адыгэхэм къаблэ ашIы хъущтэп ыкIи ар къатIупщыжьынэу Адыгэу зызлъытэжьырэ пстэури дэлэжьэнхэу пшъэрылъ ателъ.