Тыркуе, къалэу Бурса
Дунае Адыгэ Хасэ зыфаIорэм итхьэматэ Адыгэхэр зыщыпсэрэ хэгъэгухыр къыкIохьыгъ.
Дунае Адыгэ Хасэ зыфаIорэм итхьэматэ Сэхъурукъо Хьаути Къэбэртае-Бэлкъар республикэм щыIэ Адыгэ Хэсэм итхьэматэу ХьашIуцIэ Мыхьамэдрэ Адыгэ Республикэм щыщ тхакIоу Мэщбашэ Исхьакърэ ригъусэхэу Адыгэхэр зыщыпсэурэ хэгъэгъэгухэр къакIохьыгъэх.
Тыркуе, къалэу Анкъара
Тыркуе, къалэу Анкъара
Сохъурукъэмрэ игъусэхэмрэ щышъхьэIум и 9-м тыркуем щыIагъэх. Къалэу Бурсэ щыIагъэх. Ащ щыIэ Адыгэ хасэм хэтхэм аIукIагъэх. Джащ фэдэу Анкъарэ щыIэ Кавказ Федерацие зыфаIорэм итхьэматэхэм аIукIагъэх.
Иордание, къалэу Аман
Израил, къуаджэу Кфар-Кама
ЩышъхьэIум и II-м Иорданием щыIагъэх. Ащ Иорданием щыIэ шIушIэ хасэм хэтхэм аIукIагъэх ытIанэ бгъутиIури зэгъусэхэу Иорданием ипарламент итхьэматэу Абд-Рауф Рауабдэ IукIагъэх. Мыщ нэужьым ахэр щышъхьэIум и I2-м Израил ит Адыгэ къуаджэу Кфар-Кама щыIагъэх. Ащ Кфар-Камэ ихасэ тхьэматэрэ хасэм хэт депутахэмрэ аIукIагъэх.
Мы аужьырэ мазэхэм Адыгэ Республикэм щыIэ Адыгэ Хасэмрэ Къэрэщай-Черкес республикэм щыIэ Адыгэ Хасэмрэ Дунае Хасэм илэжьакIэ зэрэфэмыразэхэр гъазетхэм ыкIи интернетым бэрэ къыщаIуагъ. Адыгэ Iофым пылъхэм къызэраIорэмкIэ Сохъурукъом истатус игъэпытэным пае ыкIи Дунае Хасэм мы илъэсым иIэщт хэдзынхэм джыри зэ тхьэматэу къыхадзыным пае хэхэс Адыгэхэм адэжь кIуагъэ.
Илъэс 24-рэ хъугъэу Дунае Адыгэ Хасэ щыIэу ары ау а уахътэм къыкIоцI Адыгэ лъэпкъым пае зи гъэхъагъэ иIэп аIо Адыгэ Iофым пылъхэм.