Къэрэщэе-Щэрджэсым щагъэпсрэ купыкIэр адыгэ лъэпкъым ишIогъэшIэгъонхэм апыщытыщтэу бэдаушмэ алъытэ
Къэрэщэе-Щэрджэсым щыIэ бэдауш купхэр зэкъоуцохэу ыкIи ахэм зы куп зэрагъэпсэу зэрэщытымкIэ нэмыкI бэдауш лэжьакIохэр еплъых ар илъыныгъэу Дунэе Адыгэ Купым икъэгъэнэжьыгъэн епхыгъэу. Дунэе Адыгэ Купым хэтхэ Адыгэ Хасэхэм бэмышIэу къыхагъэщыгъ ялэжьэн къызэрэзэтырагъэуцогорэр. Сыда пIомэ Дунэе Адыгэ Купым ипащэ илэжьэнкIэ ышIрэ лъэубэкъухэм адырагъаштэрэп. Мы иафэхэм Дунэе Адыгэ Купым ипащэу Сохърэкъо Хаути Тыркуем еблэгъагъ. ЦIыфыбэмэ интернет нэкIубгъохэм яеплъыкIэхэу къырагъахьэхэрэмкIэ, Сохърэкъом Тыркуем икIон епхыгъэу ары ащ IэпыIэгъу къыщигъотынымкIэ, куп пэщэ хэдзынхэр бжыхьэм екIокIхэ хъумэ ежьыр IэнэтIэ чIыпIэм къытенэжьынымкIэ.
КупыкIэу Къэрэщэе-Щэрджэсым щагъэпсыгъэм хэхьэгъэ бэдауш купхэр ыпэкIэ зыми ымышIэхэу щытыгъэх ыкIи цIыф нэбгырэ зы-тIу ныIэп зэрэзэхэтхэр, къыхагъэщы бэдаушмэ. А купхэр ышъхьагъкIэ щагъэпсыгъэхэу, ыкIи цIыфмэ яшIогъэшIэгъонхэм зыгорэкIи емыпхыгъэхэу, лъэпкъым фэмылэжьэщтхэу бэдаушыбэмэ гумэкI къыхагъэщы. Зыхэм къыхагъэщы, ащ фэдэ купыкIэр адыгэ лъэпкъым ишIогъэшIэгъонхэм апыщытыщтэу.
Фитыныгъэ радиом игущыIэгъугъэ Адыгеим щыIэ Адыгэ Хасэм ипащэу Бэгъушъэ Адам елъытэ ащ фэдэ купым изэхэщэн пшъэрылъэу зыдиIыгъыр къыхэгъэщыгъуаеу.
Бэгъушъэ Адам: А купыкIэр Дунэе Адыгэ Купым епхыгъэп ыкIи епхыгъэн ылъэкIыщтэп. Ахэр зэрапхыхэ ашIоигъонкIи хъун, ау зэупхышъущтхэп. Сыда пIомэ Купым ишапхъэхэмкIэ, хэку пэпчъ I бэдауш куп ащ хэтын ылъэкIыщтыр. Ежь Къэрэщэе-Щэрджэсым къикIэу зы Адыгэ Хасэ хэтышъ, нэмыкI хэхьан фитэп. Тэ Дунэе Адыгэ Купым тыкъыхэкIыжьыгъэп, тиIофшIэн ащ къыщызэтедгъэуцуагъэ ныIэп. Купым ипащэ илэжьэнкIэ ышIрэ лъэубэкъухэм зарэдетымыгъаштэрэм фэшI.
Дунэе Адыгэ Купыр я90 илъэсхэм адэжь агъэпсыгъагъ. Ащ ипшъэрылъ шъхьаIыр адыгэхэу дунаим тетхэм зэкIэм якультурэ, ятарихъ, яшъхьафитныгъэ, языкIыныгъэ къэгъэпсыгъэныр ары. Адыгэ лъэпкъым ыпашъхьэ ит Iофыгъохэр зэшIуихынхэр ары. Ау ащ ипшъэрылъхэр ыужрэ илъэсыбэхэм ымыгъэцэкIэшъухэу, ащ ычIыпIэ фэшъхьаф куп зэхэпщэнэу щытэу, купыр ухъумэкIо Iахьмэ анаIэ чIэтэу бэдаушыбэмэ алъытэ.
Фитыныгъэ радио, Щэрджэс Ларис