Ищхъэрэ-Атлантикэ Альянсым Европэм щрегъэкIуэкI хьэуа дзэ зыгъэсэныгъэхэр. «Зауэ щIыIэр» зэриухрэ иджыщ апхуэдэ зыгъэхьэзырыныгъэ инхэр щызэхуашэсыр.
Ахэм яхэтынущ Ищхъэрэ-Атлантикэ Альянсым и къэрал 11-м я сэлэт 5.000-м нэблагъэ.
«Жэуап щIэгъэпсынщIа» фIэщыгъэцIэр зыгъуэта зыгъэсэныгъэхэр щыIэнущ Германием, Италием, Болгариемрэ Румыниемрэ. Ахэр щиухынур фокIадэм и 13-щ.
Штат Зэгуэтхэм къэрал зыхъумэжыныгъэмкIэ я министерствэм къызэритымкIэ, зыгъэсэныгъэхэр хуэунэтIащ альянсым и дзэхэр щIэх иришажьэу, Европэм и шынагъуэншагъэр къызэфIэгъэкIыным зэрыхуэхьэзырыр къигъэлъэгъуэным.
Хуитыныгъэ Радио