Кавказ Узел сайтым къызэритымкIэ, Налшык и хьэпсэм деж, мэрем пщэдджыжьым, дунейм ехыжащ Казиев Сергей.
2005 гъэм республикэ къару къулыкъухэм теуахэм яхэтауэ ягъэкъуэнша Казиев илъэс 14.5-рэ хьэпсэ хьэкъыу иратат.
Хуитыныгъэ Радиом и и хъыбархэм нэхъ ипэкIэ зэрыхэтащи, Казиев хьэпсэм деж зигъэмэжэлIэн щIидзащ мы накъыгъэм и 22-м, и хьэпсэ хьэкъыр здрихьэкIын хуейм яшэжыну игъэуву.
ИтIани абы хуитыныгъэ иIэт и узыншагъэм папщIэ, нэхъ щIэх хьэпсэм щIагъэкIыжыну лъэIуэну.
Казиев шхэн зэрыщIидзэжрэ махуэ зытIущт текIар.
2005 гъэм, жэпуэгъуэм и 13-м, IэщэкIэ зэщIэузэда цIыху гупхэр ятеуащ республикэм и къару къулыкъущIапIэхэм. Зэхэуэхэм хэкIуэдащ мамыр цIыху 15, къару къулыкъущIэу 35, зыкъэзыIэтауэ зыхуагъэфэща 97.
Пэжырытелъхьэхэм жаIащ зыкъэзыIэта щIалэхэм Iэщэ къащтэныр къару къулыкъухэм я залымыгъэм къыхэкIауэ.
Хуитыныгъэ Радио