27 February 2016

Кадыров: Си IэнатIэр къыщызгъэнэну пIалэр къэблэгъащ


Кремлым зыдищтэ, шэшэн администрацэм и Iэтащхьэ Кадыров Рамзан жиIащ и IэнатIэ щытекIыну зэманыр къэсауэ. НТВ кремль телеканалым интервью щритым жиIащ «си зэманыр блэкIащ» жэуэ.

«Шэшэн Iэтащхьэ хъуфын куэд ди гупым хэтщ. Дэ диIэщ IэщIагъэлI дэгъуэхэр» къыдыщIигъужащ абы.

Кадыров и хэIущIыIу псалъэр техуащ оппозицэ политик Немцов Борис зэраукIрэ илъэс щыхъум. Урысей оппозицэм щыщ куэдым Немцов и укIыгъэмкIэ ягъэкъуаншэр Кадыровращ.

«Немцовым сэ зыкIи сигъэгузавэу щытакъым, ипэжыпIэкIэ. Сыту жыпIэмэ, ар си лъэгапIэм щыIа цIыхукъым» - жриIащ Кадыровым кремльщIэплъ НТВ-м.

Урысей президент Путин Владимир Кадыровыр Шэшэным и президент IэнатIэм тригъэхьэну къигъэлъэгъуауэ щытащ 2007 гъэм, мыарэзыныгъэ гуэри хэмыту ар дищтат шэшэн парламентми. Шэшэн администрацэ Iэтащхьэм и пщэрылъхэр еух мэлыжьыхьым ипэхэм.

Хуитыныгъэ Радио

No comments:

Post a Comment

Адыгэ Хэку
Дунае
Кавказ Урысие
Диаспорэ
Тхыгъэхэр
Хэкугъэзэжьын
Адыгэ УпчIэ
Археологиер Экологиер
Спортыр
Туризм