ЖъоныгъуакIэм и 16-м Мыекъуапэ иполицие бзэджагъэ-Iоф къыфэзэIухыгъ ихэку къэзыгъэзэжьыгъэу, Адыгэ лъэпкъым фэлажьэу Хъуадэ Аднан. Джащ фэдэу Натпрессым къетхы. Ар къызэрэфэIуахыгъэм фэгъэхьыгъэ тхьапэр непэ неIэп Хъуадэм ишъхьэгъусэ къызыратыгъэр.
Хъуадэ Аднан жъоныгъуакIэм и 5-м полицием ыубыти хьапсым чIигъэтIысхьагъ. Ащ шъхьэусыгъэу фашIыгъэр ку ифын фимытэу ыфыгъ аIуи мафэ 15 тыралъхьагъ. Неущ, жъоныгъуакIэм и 19-м мафэ 15 хъущт ау къатIупщыжьыщта къамытIупщыжьыщта гъэнэфагъэу зи щыIэп. Бзэджагъэ-Iофэу къыфзэIуахыгъэр неущ судым (мэхькэмэм) ратыныр ит ыкIи джыри хьапс къыталъхьэныр ит.
Бзэджагъэ Iофэу Хъуадэм къыпалъхьэрэр къуалъхьэ полицием ритынэу фэягъ полициехэм аIо ау ар зэрэмышъыпкъыр хэти ешIэ. Хъуадэ Аднан Адыгэ Iофым зэрэпылъым пае хьапсым чIагъэсынэу фаех ыкIи Адыгагъэм упылъмэ федэ хэмылъ фэдэу Адыгэхэр агъэсэнэу ары ыкIи агъэщынэныхэу ары.
Неущ, Мыекъуапэ Адыгэ Хасэ - Черкес Советым игъэцэкIакIо куп игъэкIотыгъэ зэхэсыгъо иIэщт. Ащ Хъуадэ Аднан иIоф тегущыIэщтых ыкIи мы Iофым пае хасэм ишIэщтхэр рахъухьэщт.
Мыекъуапэ Адыгэ Хасэм хэтхэм непэ зэхэсыгъо яIагъ