Гуманитар шIэныгъэхэм апылъ Адыгэ республикэ институтым иIофышIэу Анцокъо Сурэт мы мафэхэм тхылъ гъэшIэгъон къыдигъэкIыгъ.
«Адыгэ мэкъэпчъ чэф» — джары IофшIагъэм шIэныгъэлэжьым цIэу фишIыгъэр. Ар еджапIэм чIэмыхьэгъэ кIэлэцIыкIухэм ыкIи ублэпIэ классхэм ащеджэхэрэм атегъэпсыхьагъэу зэхэгъэуцуагъ. Ащ адыгабзэм ихьарыфхэр зэкIэ щыугъоигъэх. Хьарыф пэпчъ сурэт гъэшIэгъон игъус, ахэм ацIэхэр адыгабзэкIэ къэIуагъэх, IурыIупчъэхэр, гущыIэжъхэр, сатыриплI хъухэрэ усэ цIыкIухэр ягъусэх.
Адыгэ гущыIэу ашIэрэм хагъэхъонэу, жабзэм щигъэфедэн ылъэкIэу кIэлэцIыкIухэр IофшIагъэм фигъэсэщтых. Поэтическэ образхэу усэ цIыкIухэм ахэтхэр сабыир гупшысэным фагъэсэным тегъэпсыхьагъэх. Адыгэ мэкъэпчъымкIэ кIэлэцIыкIухэм хьарыфхэр ежь-ежьырэу зэрагъэшIэнхэ алъэкIыщт.
adygvoice.ru
