Адыгэ хэкум ит къалэу Шъачэ (Сочи) 2014 илъэсым чIымафэ олипиадэу щагъэпсырэм икъызэIухын къызэрекIокIыщт програмэр рахъухьэгъэу къетхы Урыс гъэзетэу Известия зыфиIорэм. Ащ зэритымкIэ олимпиадэм икъызэIухын програмэ Урыс тхыдэм, Урыс пачъыхьым ыкIи Урыс кулътурэм ехьылIагъэщт. Адыгэхэм яхьылIагъэу гъэзетым зи итэп.
КъэIогъэн фае, Шъачэ чIымафэ олипиадэу щагъэпсырэм ехьылIагъэу Адыгэхэм зэфэшъхьэф еплъыкIэхэр яIэх, зы куп олипиадэм дырагъащтэ, адрэ купым дырагъащтэрэп. Мыхэм шъхьэусыгъоу яIэхэм ащыщых, 1864 илъэсым Урыс империем Адыгэхэм лъэпкъ гъэкIод Шъачэ къызэращыришIагъэм ыкIи ар непэ нэс Урысие Федерацием зэримыщтэрэм, Шъачэ Адыгэ къэхэр ыкIи архелогием епхыгъэхэр зэракъутэхэрэм, хэкум иэкологие зэраукъорэм, непэ Шъачэ щыпсэурэ Адыгэхэм яфитынгъэхэр зэраукъохэрэм ыкIи нэмыкIхэм.