ИкIыгъэ илъэсым АдыгеимкIэ зидунай зыхъожьыгъэхэм япчъагъэ 20I3 илъэсым егъэпшагъэмэ хэхъуагъ нэбгыри I02-кIэ. ЫкIи джырэкйэ а пчъагъэр мэхъу 5945, къеты Адыгеястатым. Мы къулыкъум икъэтынхэмкIэ, илъэсым икъежьапIэ телъытагъэу хэкум щыпсэухэрэм япчъагъэ нэбгырэ мин 440 ехъу. Ахэм ащыщэу къэлэдэсэу щытэу алъытэ нэбгырэ мин 2II ехъур.
Хэкум щыпсэухэрэми зыхашIэу, к Iэлъыплъэхэу къыхагъэщы ыужрэ уахътэм цIыф къэхъуныгъэм хэхъуагъэу, ахэмэ ащыщыбэмэ къызэраIорэмкIэ. Фитыныгъэ радиом игущыIэгъугъэ Адыгеим щыщ Нафсэт елъытэ, фэдэ хэхъоныгъэр джыри имыкъоу адыгэ лъэпкъым хэхъонымкIэ зыхапшIэу:
- Сэ сызэреплърэмкIэ, хэхъуагъ. КIыхэхъуагъэр ятIонэрэ е нахьыбэ сабый къызфэхъухэрэм ахъщэ зэраратрэм пай. ЦIыф пчъагъэр лъэпкъымкIэ екъу пIомэ икъурэп, макIэ тызэрыхъурэр джыри.
Фитыныгъэ радиом игущыIэгъугъэ Адыгеим щыщ Сусаннэ къыхегъэщы иеплъыкIэ сабый къэхъуныгъэм иушъхьагъоу ылъэгъурэмкIэ:
- АдыгеимкIэ цIыф къэхъуным хэхъуагъ. Тадэжь, къалэу Мыекъуапэ закъоп, фэшъхьаф къалэхэми арэу сэлъытэ. Ар епхыгъэу сэлъытэ ны мылкум зэрахагъэхъуагъэм пай. Анахьэу пшъашъэхэр къэхъухэу сэлъытэ.
Адыгеим щыIэ статистикымкIэ къулыкъум къызэрэщыхагъэщыгъэмкIэ, сабый гъэкIодыжьыныгъэм япчъагъи хэкIыгъэу ары %I2 къехъоу.
Фитыныгъэ радио, Щэрджэс Ларис