Адыгэ Республикэм ыкIи Пшызэ шъолъыр ащыпсэурэ быслъымэнхэм афэкIо
Алахьэу гукIэгъушIэу, гукIэгъу зыхэлъым ыцIэкIэ
НэкIмэзэ лъапIэу къихьэрэм ехъулIэу ДиндэлэжьапIэм иIофышIэхэм ацIэкIи, сэ сцIэкIи Адыгэ Республикэм ыкIи Пшызэ шъолъыр ащыпсэурэ быслъымэнхэм сафэгушIо.
Рамадан мазэр Алахь закъом КъурIан лъапIэр къызщыригъэхыгъэ маз. Быслъымэнхэм яшIушIэхэр, янэкI-нэмазхэр, ядыуахьхэр агу етыгъэу Алахьым фагъазэ.
Алахьым телъэIу тиIиман ыгъэпытэнэу, псауныгъэ, гъэшIэ кIыхьэ, насып дахэ мы дунаеу тызытетми, ахърэт гъашIэми къащытитынэу. Дунаим тет цIыфхэм мамырныгъэрэ зэгурыIоныгъэрэ къытхилъхьанэу Алахьым телъэIу.
Алахьым ынэшIу къытщэф!
Адыгэ Республикэм ыкIи Пшызэ шъолъыр ащыпсэурэ быслъымэнхэм ямуфтиеу Къэрдэнэ Аскэрбый.
Адыгэ Макъ